Sistema modularra erregin hazkuntza eta ernalketarako

Erregin hazkuntza eta ernalketarako sistema modularra mininukleo txiki batzuez dago osatua, bakoitza 3 edo 4 lauki-erdikoa.

 petacas1

Mininukleo hauek aireztapen-zuloa daukate azpian, eta zulo hau kajoiak daukan zuloaren parean geratzen da. Jararia emateko zuloa daukate gainean. Tapak bisagra eta eta ixteko gailua dauka, horrela arazorik gabe alde batetik bestera eramateko.

Presta daitezke kajoiak 6, 4 edo 2 mininukleorentzat, bakoitza bere atakarekin.

 petacas2  petacas3

Ataka itxi eta ireki egiten da, eta disko biragarri bat dauka 4 poosiziokoa.

 petacas4 petacas5

Mininukleoak ixteko eta irekitzeko sistema automatikoa dauka, kajoian sartzean ireki egiten da, eta kajoitik ateratzean itxi. Horrela ez da erlerik batere zapaltzen.

 petacas6

Mininukleo bakoitzak bere tapa duenez, banaka begira daitezke, erle-nahasterik gertatu gabe. Gainera, ez da beharrezkoa kajoian mininukleo denak jarrita egotea, eduki ditzakezu nahi dituzunak.

 petacas7

Sabaiko elikagailuek ia litro bateko kabida daukate, eta mininukleoak bezalaxe, indibidualki erabil daitezke.

 petacas8

Tapa isolatuta dago 10 mm-ko porexarekin, eta elikagauluak jartzeko aski leku dauka. Kanpotik txapaz forratua dago.

 petacas9

4 lauki-erdiko mininukleoak egiteko aukera.

 petacas10 petacas11

Mininukleoei eta elikagailuei parafinazko bainua bat eman behar zaie, 5 mm-ko tablexez eginak daudelako. Sistema bera polikarbonato zelularrez prestatzeko asmoa dago, askoz iraunkorragoa eta isolatuagoa.

Sistema honetan mininukleoak konbina daitezke 6 laukiko nukleo batekin.

petacas12 petacas13

Nukleoa kajoiaren edozein aldamenetan jar daiteke, eta ondoan eraman ditzake 3 lauki-erdiko 2 mininukleo, edo 3 mininukleo 4 lauki-erdikoak.

 petacas14 petacas15

Mininukleoek bezalaxe, nukleoek ere irekitzeko eta ixteko sistema bera daukate, eta sabaian bi elikagailu jar dakizkioke, mininukleoetan erabiltzen diren berdinak, edo lauki-elikagailu bat.

petacas16 petacas17 petacas18

Kajoiaren eta mininukleoen tartean aire-kamara geratzen da inguru guztian, dena hobeto isolatzeko.

Oraingoz prototipoa da, baina baliagarria izan daitekeela uste dugu.